كلمات ترفع ضغط الحريم

السلام عليكم ورحمه الله وبركاته

عندي موضوع انشاء الله يعجبكم بس لاحد يزعل

كلمات يقولها الزوج لزوجته وهي الكلمات ترفع ضغط الزوجه

--------------------------------------------------------------------------------

أ / انتي ياهيش .. وين شماغي ... ( والمشكلة الشماغ جنبه الله لا يعمينا )

ب / بروح اكشت مع اخوياي ..... ( روحت جدي ان شالله )

ت / تراني بصيف اليوم ..... ( ماجبت جديد متعودة الحرمة )

ث / ثواني وانا عند الباب ..اجهزي ( ولا يجي الا بعد ساعة وهي ملطوعة عند الباب )

ج / جاي تعبان من الدوام منيب فاضي لك .. ( كن مايشتغل الا هو )

ح / حريم مايجون الا بالعين الحمراء ... ( جملتهم المفضلة )

خ / خذي عيالك وفارقوا عني .. صجيتوني ( كنهم عيالها لحالها )

د / دوري احد يوديك ويجيبك .. ( وانت وش شغلك )

ذ / ذاك الصيف مسافرين هالسنة محنا سفر

ر / راتبك ماطلع يابعدي .. ( توه يجي الكلام السنع يوم جت الدراهم )

ز / زيدي العشاء ترى الرجاجيل كثروا .. ( والعشاء استوى وخلص وشلون تزيده )

س / سيارتي قاضي بنزينها ومامعي صرف .. معك سلف ( رددي ياليل مطولك مهيب راجعتن لك )

ش / شيلي المقاضي شوفيها عند الباب ( ورى ماتشيلها انت يامال الحروال )

ص / صديقي بيسافر برى تراني بخاويه ( خايف عليه يضيع والا وشلون )

ض / ضايق صدري .. ضايق صدري .. كل مادخل للبيت ( وهو عند ربعه فاقن خشته )

ط / طالق ... طالق ... طالق >>>>>> هذي ان خربت الاخلاق عاد

ظ / ظـفي عفــشك وروحي بيت اهلـــــكـ <<<تمن عليها في بيتك خخخخخ

ع / عصاقيل تصافق واشهب الهب ويبي وحدة حلوة ( اقووول اها بس )

غ / غالي هذا .. دوري غيره .. ( متحسفن عليها الغالي يامال الفقر وهي ياحرام طاح وجهها )

ف / فلااااااااان تزوج على حرمتن ثانية .. ( يلمح الرجال )

ق / قومي بلا دلع .. مافيك الا العافية ( وهي مصيخينه خذت حيلي )

ك / كل كلامه هواش ماااااااااعنده تفاهم

ل / لا تروحوون بعيد .. وماغير داااااقن اللطمه اذا طلع مع اهله

م / معزوم في الاستراحة >>>> امحق عزيمه اللي كلها لعب بلوت

ن / ناااااااااااااادرا ماايشكرها على شي سوته

هـ / هيه .. انتي >>>>> طبعا هذا اسمها في الاماكن العامة

و / ورى ماتسمنين .. وان سمنت قال .. ورى ماتنحفين ( خير هي لعبة ان رعصت زرار سمنت والا نحفت )
ي / ياااااااااازين هالمذيعة ( ياخي استح على وجهك ,, اللي جنبك قوطي ماتعبرها )

منقوووول

وبعدين طيبوا خاطر الحريم تراهن يبلعن الكلام ويسكتن لانهن عارفين ان الرجال مالهم امان ويدورون الزله على الحرمة على شان يدق بالثانية

تقبلوا تحيتي