سعودي وزوجته زاروا الكويت لأول مره .. هذا انطباعهم :) (مع الصور)
2 مشترك
صفحة 1 من اصل 1
سعودي وزوجته زاروا الكويت لأول مره .. هذا انطباعهم :) (مع الصور)
من طرف المهاجر911 الثلاثاء أكتوبر 07, 2008 7:42 am
للأمانة نقلته لكم من أحد المنتديات – وكاتبها مواطن سعودي لقب نفسه ب سبهللي !
وماكان مزود بالصور وانا زودته بالصور علشان تشوفون الكويت مثل ما شافها وبعد للماشافها يشوفها واللي شافها خليه يسترجع ذكرياته في الكويت
.gif)
يالله نبدي بسم الله
منذ مده طويله وأنا أفكر انا والمدام في زيارة دولة الكويت والهدف من هذه الزياره الحقيقه اولا عندنا شوق اننا نشوف دوله خليجيه نسمع عنها بس ما زرناها قبل, والسبب الثاني والمهم بالنسبه لي أنا الأطلاع على محلات الأزياء والملابس النسائيه في الكويت وخصوصا بعض المحلات المتخصصه في الأسبورات - صنع الكويت - وذلك بحكم ان عندي محل ملابس حريم... بصراحه كنت أشوف العوائل الكويتيه برى يكشخون ويتميزون بأناقه واضحه >>> بتطلعلي واحده تغار وبتقول أمحق اناقه وبقولها أها انثبري لين اكمل سالفتي ...المهم بعد ما نشدت وش السالفه عرفت ان هناك عدد من المحلات ( تقلد الماركات وتصنع في الكويت بموديلات إيطاليه واقمشه طبعا صيني وكوري !!!)المهم طلعنا الكويت عن طريق الخطوط السعوديه - من زود الوطنيه -بس للأسف ريحة هذيك الطياره تعجعج كاري على زنجبيل على شوية ثوم.....حيث كانت الرحله مليانه (( شغالات )) طالعين
من الرياض ترانزيت على سرلنكا لأنه كان آخر اسبوع امتحانات في السعوديه وبداية إجازه في الكويت..وصلنا مطار الكويت وكان المطارعادي جدا بس مهوب شين...
[size=21]
]بس تفاجأت أنا وزوجتي بمعامله مميزه جدا من موظفي المطار !! حتى اني كنت أستغرب !!! التفت على حرمتي وسألتها : لا يكون انا أشبه أحد مشهور عندهم ؟؟ قالت إيه تصدق توي انتبه فيك من جواد العلي ...قلت إيه يا حليمه بولند (قلتها في نفسي طبعا ) ....المهم ان الجماعه في الجوازات والجمارك قمة الأخلاق في التعامل ... خصوصا من ضابط الجوازات الي شافنا واقفين بسرى (( خطأ مهوب حق الخليجيين )) وجانا بكل أدب وابتسامه عريضه وطلب منا أننا نجي عند شباك فاضي وفعلا رحت وختمت وألتفت عليه أشكره وكان رده علي ماراح انساه أبد (( يوبا إحنا ما نعتبركم الا أهلنا ونخدمكم بعيونا !!!))
فقلت في نفسي (( هذا أول الخير ويبشر بخير))..
بعده توجهت إلى فندق كنت قد حجزت فيه وهو فندق مارينا و يقابله سوق مارينا من الجهه الأخرى
ويربط الجهتين جسر خاص بالمشاه ويقع على البحر في منطقة السالميه
]
منطقة السالميه ( منطقه تجاريه وحيويه في الكويت .وعند وصولي للفندق أخبرني موضف الأستقبال بأن السعر تم تخفيضه إلى75دينار بعد ان كنت قد حجزت بالفيزا بسعر 88دينار ( سعر صرف الدينار حوالي 13.25 ريال) وذكر لي ان هذه أسعار الصيف الجديده المخفضه ... فشكرته وقلت في نفسي (( هذه الثانيه ))فندق مارينا في الكويت الله يسلمكم من الفنادق الحديثه , ويتميز الفندق الذي يتكون من طابقين أو ثلاثه فقط ... يتميز بالخدمه بصراحه خدمات الفندق وهو بالمناسبه ليس فخم لكنه مريح وموقعه ممتاز للسائح وموضفيه عسل وله إطلاله جميله على خليجنا الغالي ..
]بمناسبه الراحه قالت لي زوجتي قبل نوصل الفندق :- ماتلاحظ ان الكويت مريحه للنفس ؟؟؟فقلت لها على طول (( فعلا كان عندي هذا الشعور لكني ماعرفت أعبر عنه !!!))عموما لكي أكون أكثر شفافيه وصدق (( هناك خلفيه سلبيه في ذهني عن أهل الكويت بسبب بعض المواقف الرياضيه القديمه وبسبب بعض وسائل الأعلام والمنتديات ... ولكي أكون أكثر جرأه كنت احس ان معظم الكويتيين بهم غرور وعجرفه _ وأعتذر عن هذا التعبير - ))لكن ما لبثت هذه الصوره ان تلاشت من أول خطوه خطوتها في أرض الكويت..كانت الساعه حوالي التاسعه مساءا عندما قررنا ان نخرج لنرى الكويت وأن لا نضيع أي دقيقه بسبب ان مدة بقاءنا فقط يومين بسبب إرتباطي بعدها بسفره خارجيه .. نزلنا للبهو وسألت موظف الأستقبال عن أفضل وسيله للتنقل وماهي الأماكن التي تستحق الزياره ...مع التركيز طبعا على الأسوااااااااق لقصر المده ولطبيعية الجو في هذه الفتره ... فأعطاني مجله
( أضن انها خاصه بالفنادق) وفيها دعايات للمحلات المشهوره في الكويت والأسواق والمطاعم و ...
كما دلني على طريقه جيده للتكاسي (( أفضل من عندنا )) وهي تاكسي بالطلب ..يعني قبل تنزل تدق عليه 5 دقايق وهو قبال الفندق أو السوق او المطعم أو اي مكان انت موجود فيه (( على فكره الكويت تتميز بسهولة التنقل بين المناطق.. وأعتبرها انا من أقل العواصم الخليجيه إزدحام )) والسبب كما ذكر لي فيما بعد أن رخصةالقياده والسماح بالسياقه في الكويت ليست متاحه لكل من هب ودب زي ربعنا يعني ما تلقى في الكويت سباك معه مازدا موديل 76وشايل سلالم وعده فوق سيارته ويزاحم خلق الله في الشارع !!! ومستحيل تشوف وانيت مكسر يسوقه واحد كان بديرتهم ما يعرف شكل السياره !!! ويملى الوانيت عمال ويالله انه يشوف طريقه!!واسهل شيء عنده انه يصدم سيارتك لأن عنده تأمين !!
]
طبعا هذي ماتشوفها بالكويت ...بصراحه شعب مميز جدا في القياده لدرجه إنك قليل تشوف حوادث مروريه أو قطع إشاره أو تجاوز بسرعات عاليه من اليمين أو أو ......لا بكل أمانه هذي نادرتشوفها بالكويت وإن صارت فهي لشباب مراهقين وفي نطاق ضيق ... عشان كذا اقول بعذر الحريم عندهم يسوقون ...بلا والله ما فيه مطفق وعرابجه على الدايري عندهم مثل هالي مالين شوارعنا !!
بعد في تكمله راح اكمله نتظروني
المهاجر911......
وماكان مزود بالصور وانا زودته بالصور علشان تشوفون الكويت مثل ما شافها وبعد للماشافها يشوفها واللي شافها خليه يسترجع ذكرياته في الكويت
يالله نبدي بسم الله
منذ مده طويله وأنا أفكر انا والمدام في زيارة دولة الكويت والهدف من هذه الزياره الحقيقه اولا عندنا شوق اننا نشوف دوله خليجيه نسمع عنها بس ما زرناها قبل, والسبب الثاني والمهم بالنسبه لي أنا الأطلاع على محلات الأزياء والملابس النسائيه في الكويت وخصوصا بعض المحلات المتخصصه في الأسبورات - صنع الكويت - وذلك بحكم ان عندي محل ملابس حريم... بصراحه كنت أشوف العوائل الكويتيه برى يكشخون ويتميزون بأناقه واضحه >>> بتطلعلي واحده تغار وبتقول أمحق اناقه وبقولها أها انثبري لين اكمل سالفتي ...المهم بعد ما نشدت وش السالفه عرفت ان هناك عدد من المحلات ( تقلد الماركات وتصنع في الكويت بموديلات إيطاليه واقمشه طبعا صيني وكوري !!!)المهم طلعنا الكويت عن طريق الخطوط السعوديه - من زود الوطنيه -بس للأسف ريحة هذيك الطياره تعجعج كاري على زنجبيل على شوية ثوم.....حيث كانت الرحله مليانه (( شغالات )) طالعين
من الرياض ترانزيت على سرلنكا لأنه كان آخر اسبوع امتحانات في السعوديه وبداية إجازه في الكويت..وصلنا مطار الكويت وكان المطارعادي جدا بس مهوب شين...
[size=21]
]بس تفاجأت أنا وزوجتي بمعامله مميزه جدا من موظفي المطار !! حتى اني كنت أستغرب !!! التفت على حرمتي وسألتها : لا يكون انا أشبه أحد مشهور عندهم ؟؟ قالت إيه تصدق توي انتبه فيك من جواد العلي ...قلت إيه يا حليمه بولند (قلتها في نفسي طبعا ) ....المهم ان الجماعه في الجوازات والجمارك قمة الأخلاق في التعامل ... خصوصا من ضابط الجوازات الي شافنا واقفين بسرى (( خطأ مهوب حق الخليجيين )) وجانا بكل أدب وابتسامه عريضه وطلب منا أننا نجي عند شباك فاضي وفعلا رحت وختمت وألتفت عليه أشكره وكان رده علي ماراح انساه أبد (( يوبا إحنا ما نعتبركم الا أهلنا ونخدمكم بعيونا !!!))فقلت في نفسي (( هذا أول الخير ويبشر بخير))..
بعده توجهت إلى فندق كنت قد حجزت فيه وهو فندق مارينا و يقابله سوق مارينا من الجهه الأخرى
ويربط الجهتين جسر خاص بالمشاه ويقع على البحر في منطقة السالميه
]
منطقة السالميه ( منطقه تجاريه وحيويه في الكويت .وعند وصولي للفندق أخبرني موضف الأستقبال بأن السعر تم تخفيضه إلى75دينار بعد ان كنت قد حجزت بالفيزا بسعر 88دينار ( سعر صرف الدينار حوالي 13.25 ريال) وذكر لي ان هذه أسعار الصيف الجديده المخفضه ... فشكرته وقلت في نفسي (( هذه الثانيه ))فندق مارينا في الكويت الله يسلمكم من الفنادق الحديثه , ويتميز الفندق الذي يتكون من طابقين أو ثلاثه فقط ... يتميز بالخدمه بصراحه خدمات الفندق وهو بالمناسبه ليس فخم لكنه مريح وموقعه ممتاز للسائح وموضفيه عسل وله إطلاله جميله على خليجنا الغالي ..
]بمناسبه الراحه قالت لي زوجتي قبل نوصل الفندق :- ماتلاحظ ان الكويت مريحه للنفس ؟؟؟فقلت لها على طول (( فعلا كان عندي هذا الشعور لكني ماعرفت أعبر عنه !!!))عموما لكي أكون أكثر شفافيه وصدق (( هناك خلفيه سلبيه في ذهني عن أهل الكويت بسبب بعض المواقف الرياضيه القديمه وبسبب بعض وسائل الأعلام والمنتديات ... ولكي أكون أكثر جرأه كنت احس ان معظم الكويتيين بهم غرور وعجرفه _ وأعتذر عن هذا التعبير - ))لكن ما لبثت هذه الصوره ان تلاشت من أول خطوه خطوتها في أرض الكويت..كانت الساعه حوالي التاسعه مساءا عندما قررنا ان نخرج لنرى الكويت وأن لا نضيع أي دقيقه بسبب ان مدة بقاءنا فقط يومين بسبب إرتباطي بعدها بسفره خارجيه .. نزلنا للبهو وسألت موظف الأستقبال عن أفضل وسيله للتنقل وماهي الأماكن التي تستحق الزياره ...مع التركيز طبعا على الأسوااااااااق لقصر المده ولطبيعية الجو في هذه الفتره ... فأعطاني مجله
( أضن انها خاصه بالفنادق) وفيها دعايات للمحلات المشهوره في الكويت والأسواق والمطاعم و ...
كما دلني على طريقه جيده للتكاسي (( أفضل من عندنا )) وهي تاكسي بالطلب ..يعني قبل تنزل تدق عليه 5 دقايق وهو قبال الفندق أو السوق او المطعم أو اي مكان انت موجود فيه (( على فكره الكويت تتميز بسهولة التنقل بين المناطق.. وأعتبرها انا من أقل العواصم الخليجيه إزدحام )) والسبب كما ذكر لي فيما بعد أن رخصةالقياده والسماح بالسياقه في الكويت ليست متاحه لكل من هب ودب زي ربعنا يعني ما تلقى في الكويت سباك معه مازدا موديل 76وشايل سلالم وعده فوق سيارته ويزاحم خلق الله في الشارع !!! ومستحيل تشوف وانيت مكسر يسوقه واحد كان بديرتهم ما يعرف شكل السياره !!! ويملى الوانيت عمال ويالله انه يشوف طريقه!!واسهل شيء عنده انه يصدم سيارتك لأن عنده تأمين !!
]
طبعا هذي ماتشوفها بالكويت ...بصراحه شعب مميز جدا في القياده لدرجه إنك قليل تشوف حوادث مروريه أو قطع إشاره أو تجاوز بسرعات عاليه من اليمين أو أو ......لا بكل أمانه هذي نادرتشوفها بالكويت وإن صارت فهي لشباب مراهقين وفي نطاق ضيق ... عشان كذا اقول بعذر الحريم عندهم يسوقون ...بلا والله ما فيه مطفق وعرابجه على الدايري عندهم مثل هالي مالين شوارعنا !!
بعد في تكمله راح اكمله نتظروني
المهاجر911......
المهاجر911- عضو فعال
- عدد الرسائل : 82
العمر : 37
السٌّمعَة : 0
نقاط : 0
تاريخ التسجيل : 05/10/2008
رد: سعودي وزوجته زاروا الكويت لأول مره .. هذا انطباعهم :) (مع الصور)
من طرف المهاجر911 الأربعاء أكتوبر 08, 2008 5:57 am
وهذى التكمله.......
___________________________
المهم نرجع لموضوعنا طلعنا من الفندق في التاسعه والربع مساءا تقريبا وتوجهنا إلى مركز كبير للتسوق قال لنا سائق التكسي
بأنه أشهر سوق بالكويت وهو (( سوق شرق))
(( سوق شرق)) ويبدو أن إسمه مأخوذ من المنطقه التي يقع فيها السوق ولم يستغرق المشوار أكثر من 7دقائق حتى كنا عند بوابة السوق الذي يتكون من طابقين وبه عدد كبير من المطاعم ومحلات التسويق المختلفه وهايبر ماركت وبه أيضا صاله للسينما ...وقد أخبرنا سائق التكسي أن المحلات التجاريه تغلق عن العاشره مساءا !!! يعني يقصد إذا تبون تتعشون خلوا الأكل بعدين .. وفعلا
توجهنا إلى المحلات المهمه وهي (محلات الملابس) والماركات الوطنيه للملابس النسائيه
وكان لي موقف ظريف في السوقدخلنا سوق شرق وتوجهنا إلى المحلات الخاصه بالألبسه وكنت أركز على أسماء المحلات الي
ماهي موجوده عندنا وفعلا حصلت محلين أو ثلاثه ..وفي أحد هذه المحلات وإحنا قاعدين نتفرج
على البلايز والفساتين ...دخل صاحب المحل- ابوعماد - ( تاجر ملابس سوري ) سبق ان تعرفت
عليه في تركيا عن طريق مكتب الشحن في اسطنبول وقد تقابلت معه عدة مرات وكنت أعرف انه
عنده عدد من المحلات في الكويت والأمارات .....
المهم الرجال عرفني وسلم علي وبدأ يسولف... وينكت ويسألني عن سوقنا في السعوديه وش اخبار
البيع والمشترى ووش الي ماشي عندنا والموضه ....الخ وكانت المدام في جهه أخرى من المحل ..
بس تعرفون طبع الحريم (( مسويه نفسه تتفرج على البضايع وهي موجهه اللاقط جهتنا..وتتسمع ))المهم الأخ أخذ راحته في السوالف وسألني :- هادي ياللي معك مرتك الأولى وإلا التانيه( يعني على باله ينكت !!!)
وطبعا المره أول ما سمعت هالجمله جات منطلقه بسرعه 180..وقالت وش يقول هالشايب !!! قلت يابنت الحلال قسم بالله يمزح ... يمزح !!والأخ ولا على باله ( قاعد يضحك) !!!
التفتت علي زوجتي وقالت : والله ما أدري عنك أنت وسفراتك.. لكن من اليوم ورايح رجلي على رجلك .
وجا ابو عماد يقال لك بيلطف الجو وعزمنا على العشا !!! قلت (في نفسي) إيه هين ...يكون خير !!! ماعاد عقب كلامك يا ابو عماد عشا ولا غدا ..أعتذرت منه وطلعنا ..
( نرجع للموضوع شكلي أبعدت شوي))
المهم بعد ما خلصنا جولة التسوق وما شريناشيء بس نتفرج وكانت خيره(( لأننا ثاني يوم إكتشفنا أن سوق شرق لاشيء في الملابس بعدما زرنا سوق آخر))
توجهنا الى جهة المطاعم وكان هناك فرع لمطعم شيلز العالمي بس للأسف دورنا طاوله للجلوس وما حصلنا من الزحمه (( قلت لكم كانت بداية العطله الدراسيه في الكويت )) ويوم لفينا لفتين وما لقينا مكان أقترحت علي المدام اننا نروح السينما ونخلي العشاء بعد الفيلم ...بس أنا بصراحه ترددت ...
وقلت أشوف نوعية الحظور أول ونوعية الأفلام (لأن الساعه كانت متأخره)وبصراحه ما ودي أشوف نفس المنظر الي شفته بأحد المجمعات التجاريه في البحرين-مجمع السيف-قبل سنتين بسبب ذهابنا للسينما في مثل هالوقت بس أول ما دخلت البهو حق السينما ...تفاجأت ان معظم الحظور عائلات كويتيه وشباب أيضا لكن محترمين انفسهم ومحترمين الي حواليهم ..وبصراحه لاحظت ثلاث ملاحظات لفتو
انتباهي من اليوم الأول في سوق الشرق:-
1- الكويتيين يشكلون غالبيه وليس مثل بعض دول الخليج ( تدخل السوق وتطلع منه ما تشوف المواطن ).
2- شباب الكويت ( رغم كثرة وجود الي لبسهم وقصات شعرهم ما تتناسب مع مجتمعنا الخليج )لكن كلمة
الحق أنهم محترمين الي حولهم من الناس وكل واحد في حاله وربعه الي معه.. يعني بالعربي ما منهم أذى .
3- كثافة التواجد الأمني في السوق ( بلباس مدني ) وقد لا حظت ذلك وعرفت أنهم أمن من بطاقاتهم الي
يعلقونها على الثوب والجهاز الي معه .
المهم ما أطول عليكم فعلا أخترنا أحد الأفلام الأجنبيه ودخلنا نتفرج على الفيلم وما طلعنا الى متأخرين ( حوالي الساعه وحده بعد منتصف الليل ) وقد كنت قد أتصلت على التكسي قبل خروجنا بحوالي 10 دقائق وفعلا لمن خرجنا وجدنا السياره في انتظارنا ...ركبنا السياره
وطلبنا من السائق يمر على الطريق بمطعم ناخذ منه عشى ( تيك واي ) لأننا ميتين من الجوع !!فأقترح علينا سائق التاكسي ان يذهب بنا الى منطقة المطاعم في السالميه وذكر لنا ان هناك المطاعم كلها فاتحه هالوقت والأكل أشكال وأنواع ...وبدأ يتكلم عن المشاوي والشاورما و.... و .... فقاطعته وقلت له ترى إن ما سكت باكلك من لجوع الي فيني ... يا خوي خلاص سألتك عن مكان المطاعم بس يقولون الأولين ( الجوع يخرب الطبوع ) !!
وفي الطريق لمطاعم السالميه ويوم صلنا عند سوق المارينا الي قبال فندقنا واشوف لك مجموعه من المطاعم على اليمين قبل السوق .....قلت له بس يا الأخو ...بس وقف هنا ...
قال لسى ما وصلنا وبعدين ميصلح ادخل من هنا!!!! قلت ليش .. قال هذا الشارع خروج بس لازم اروح له من خلف السوق ... عشان ما آخذ مخالفه ...قلت طيب ودنا له وفعلا لف من خلف السوق ووقفنا عند مطعم ومقهى .... نسيت اسمه وكانت قعداته بصراحه روووووعه وحاطين بخاخات مويه زي الي في مقهى الشلال عندنا ... وكان الجو فعلا حلو
برغم ما سمعته عن جو الكويت في الصيف ) بس فعلا كان الجو ذاك اليوم رااائع راااائع ومريح والهواء لطيف ونسمات الخليج العربي الحالم لا تزال في ذاكرتي ...طلبت من سائق التكسي ان يذهب لأننا نوينا ناخذها مشي للفندق عقب ما نتعشى( يميز الكويت الأمان
المطلق الي تحس فيه وكأنك في حارةبيتكم وبين أهلك يعني الساعه وحده بالليل زي 9 الناس سهرانه
والعوايل حريم ورجال يتمشون والحياة طبيعيه) وفعلا دخلنا المقهى(المطعم ) وطلبنا الأكل ( كان المكان
أطيب من الأكل بس غنه مقبول برغم اني كنت اتمنى يهتمون بالمطعم اكثر من المقهى )
...وبعد ما تعشينا ... أقنعني المصري الي كان يخدم اني آخذ راس معسل !!
((مخصوص على قولته)) وذكر لي انه تم منع الشيشه في هالأماكن والبلديه
قاعدة تشدد على هالموضوع ...بس إحنا بالدس ... ومحسوبك سيد بيزبطوه على كيف كيفك الرجال قعد يهك علي من هالكلام عشان يغريني وفعلا أخيرا وافقت اني اشيش
رغم أني غير مدخن ولا معسل ) بس الجو كان يشجع على الدشره !!!جلسنا إلى مابعد الثانيه فجرا ثم توجهنا الى الفندق مشيا على الأقدام حيث كان الجو جيد ذلك اليوم
ويساعد على المشي ..وكانت هاك الليله من الليالي التي لا تنسى ...
وقفت على يوم نطلع في الليل راجعين للفندق(مارينا)طلعنا من المطعم وفي طريقنا للفندق تفاجأت بمجموعه كبيره من من المطاعم والجلسات والمقاهي على الجانب الآخر من سوق المارينا وعند مرسى القوارب وكان المكان لايزال به حركه وقعدات وناس رايحه وجايه رغم ان الساعه كانت بعد الثالثه فجرا !!!فالتفتت الي زوجتي وقالت هالمكان بكره ماراح نفوت الجلسه فيه بس خلنا نخطط في اي مطعم رايحين نتعشى بصراحه انا ضحكت عليها وقلت نعنبو بليسك تونا دابغين وشبعانين وقاعدين الحين نمشي عشان نهضم الأكل وانتي تخططين على العشى بكره !!!وإحنا قاعدين نمشي في الممر لاحظنا لوحة (( كرسبي دونات))!!دونات كرسبي !!! طالعتني مرتي وقعدت تضحك ..والسبب انها تعرف اني أحب هالنوع طبعا روحتنا قبل يفتح اول فرع لكرسبي دونات في الرياض ...والظاهر انهم يوم دروا عني وعن قصتي قال ...والله ما نفشلك يا سبهللي وبوا يفتحون فروعهم الآن بالمملكه )بصراحه انا كنت كل ما دخلت محل دونات عندنا أقول لهم ليش ما تفتحون فرع لكرسبي دونات زي الي بلندن !!
وتفاجأت بوجود فرع لهم بالكويت !! ( طبعا يوم جيت إمشي للرياض حملت معي كراتين كرسبي والناس بالمطار قاعدين يطالعوني ويقولون هذا وين رايح !! وش هالقروي !!ما قد شاف خير !!وطبعا مرتي رفضت تشيل معي تقول والله فشيله !! بس وش أسوي أحبها -قصدي الكرسبي- !!!) * للمعلوميه عقابا لها على موقفها وزعت كل الكميه على اخواني وخواتي وخليت لي شويه وحرمتها من متعة التلذذ بمزمزة الدونات مع فنجال القهوه .نعود لموضوعنا - ياكثر شطحاتي)دخلنا الفندق وصلينا الفجر ونمنا على أمل اننا نقوم بجولة اليوم الكامل إبتداءا من الساعه 12.55ظهرا
اخوكم
المهاجر911
___________________________
المهم نرجع لموضوعنا طلعنا من الفندق في التاسعه والربع مساءا تقريبا وتوجهنا إلى مركز كبير للتسوق قال لنا سائق التكسي
بأنه أشهر سوق بالكويت وهو (( سوق شرق))
(( سوق شرق)) ويبدو أن إسمه مأخوذ من المنطقه التي يقع فيها السوق ولم يستغرق المشوار أكثر من 7دقائق حتى كنا عند بوابة السوق الذي يتكون من طابقين وبه عدد كبير من المطاعم ومحلات التسويق المختلفه وهايبر ماركت وبه أيضا صاله للسينما ...وقد أخبرنا سائق التكسي أن المحلات التجاريه تغلق عن العاشره مساءا !!! يعني يقصد إذا تبون تتعشون خلوا الأكل بعدين .. وفعلا
توجهنا إلى المحلات المهمه وهي (محلات الملابس) والماركات الوطنيه للملابس النسائيه
وكان لي موقف ظريف في السوقدخلنا سوق شرق وتوجهنا إلى المحلات الخاصه بالألبسه وكنت أركز على أسماء المحلات الي
ماهي موجوده عندنا وفعلا حصلت محلين أو ثلاثه ..وفي أحد هذه المحلات وإحنا قاعدين نتفرج
على البلايز والفساتين ...دخل صاحب المحل- ابوعماد - ( تاجر ملابس سوري ) سبق ان تعرفت
عليه في تركيا عن طريق مكتب الشحن في اسطنبول وقد تقابلت معه عدة مرات وكنت أعرف انه
عنده عدد من المحلات في الكويت والأمارات .....
المهم الرجال عرفني وسلم علي وبدأ يسولف... وينكت ويسألني عن سوقنا في السعوديه وش اخبار
البيع والمشترى ووش الي ماشي عندنا والموضه ....الخ وكانت المدام في جهه أخرى من المحل ..
بس تعرفون طبع الحريم (( مسويه نفسه تتفرج على البضايع وهي موجهه اللاقط جهتنا..وتتسمع ))المهم الأخ أخذ راحته في السوالف وسألني :- هادي ياللي معك مرتك الأولى وإلا التانيه( يعني على باله ينكت !!!)
وطبعا المره أول ما سمعت هالجمله جات منطلقه بسرعه 180..وقالت وش يقول هالشايب !!! قلت يابنت الحلال قسم بالله يمزح ... يمزح !!والأخ ولا على باله ( قاعد يضحك) !!!
التفتت علي زوجتي وقالت : والله ما أدري عنك أنت وسفراتك.. لكن من اليوم ورايح رجلي على رجلك .
وجا ابو عماد يقال لك بيلطف الجو وعزمنا على العشا !!! قلت (في نفسي) إيه هين ...يكون خير !!! ماعاد عقب كلامك يا ابو عماد عشا ولا غدا ..أعتذرت منه وطلعنا ..
( نرجع للموضوع شكلي أبعدت شوي))
المهم بعد ما خلصنا جولة التسوق وما شريناشيء بس نتفرج وكانت خيره(( لأننا ثاني يوم إكتشفنا أن سوق شرق لاشيء في الملابس بعدما زرنا سوق آخر))
توجهنا الى جهة المطاعم وكان هناك فرع لمطعم شيلز العالمي بس للأسف دورنا طاوله للجلوس وما حصلنا من الزحمه (( قلت لكم كانت بداية العطله الدراسيه في الكويت )) ويوم لفينا لفتين وما لقينا مكان أقترحت علي المدام اننا نروح السينما ونخلي العشاء بعد الفيلم ...بس أنا بصراحه ترددت ...
وقلت أشوف نوعية الحظور أول ونوعية الأفلام (لأن الساعه كانت متأخره)وبصراحه ما ودي أشوف نفس المنظر الي شفته بأحد المجمعات التجاريه في البحرين-مجمع السيف-قبل سنتين بسبب ذهابنا للسينما في مثل هالوقت بس أول ما دخلت البهو حق السينما ...تفاجأت ان معظم الحظور عائلات كويتيه وشباب أيضا لكن محترمين انفسهم ومحترمين الي حواليهم ..وبصراحه لاحظت ثلاث ملاحظات لفتو
انتباهي من اليوم الأول في سوق الشرق:-
1- الكويتيين يشكلون غالبيه وليس مثل بعض دول الخليج ( تدخل السوق وتطلع منه ما تشوف المواطن ).
2- شباب الكويت ( رغم كثرة وجود الي لبسهم وقصات شعرهم ما تتناسب مع مجتمعنا الخليج )لكن كلمة
الحق أنهم محترمين الي حولهم من الناس وكل واحد في حاله وربعه الي معه.. يعني بالعربي ما منهم أذى .
3- كثافة التواجد الأمني في السوق ( بلباس مدني ) وقد لا حظت ذلك وعرفت أنهم أمن من بطاقاتهم الي
يعلقونها على الثوب والجهاز الي معه .
المهم ما أطول عليكم فعلا أخترنا أحد الأفلام الأجنبيه ودخلنا نتفرج على الفيلم وما طلعنا الى متأخرين ( حوالي الساعه وحده بعد منتصف الليل ) وقد كنت قد أتصلت على التكسي قبل خروجنا بحوالي 10 دقائق وفعلا لمن خرجنا وجدنا السياره في انتظارنا ...ركبنا السياره
وطلبنا من السائق يمر على الطريق بمطعم ناخذ منه عشى ( تيك واي ) لأننا ميتين من الجوع !!فأقترح علينا سائق التاكسي ان يذهب بنا الى منطقة المطاعم في السالميه وذكر لنا ان هناك المطاعم كلها فاتحه هالوقت والأكل أشكال وأنواع ...وبدأ يتكلم عن المشاوي والشاورما و.... و .... فقاطعته وقلت له ترى إن ما سكت باكلك من لجوع الي فيني ... يا خوي خلاص سألتك عن مكان المطاعم بس يقولون الأولين ( الجوع يخرب الطبوع ) !!
وفي الطريق لمطاعم السالميه ويوم صلنا عند سوق المارينا الي قبال فندقنا واشوف لك مجموعه من المطاعم على اليمين قبل السوق .....قلت له بس يا الأخو ...بس وقف هنا ...
قال لسى ما وصلنا وبعدين ميصلح ادخل من هنا!!!! قلت ليش .. قال هذا الشارع خروج بس لازم اروح له من خلف السوق ... عشان ما آخذ مخالفه ...قلت طيب ودنا له وفعلا لف من خلف السوق ووقفنا عند مطعم ومقهى .... نسيت اسمه وكانت قعداته بصراحه روووووعه وحاطين بخاخات مويه زي الي في مقهى الشلال عندنا ... وكان الجو فعلا حلو
برغم ما سمعته عن جو الكويت في الصيف ) بس فعلا كان الجو ذاك اليوم رااائع راااائع ومريح والهواء لطيف ونسمات الخليج العربي الحالم لا تزال في ذاكرتي ...طلبت من سائق التكسي ان يذهب لأننا نوينا ناخذها مشي للفندق عقب ما نتعشى( يميز الكويت الأمان
المطلق الي تحس فيه وكأنك في حارةبيتكم وبين أهلك يعني الساعه وحده بالليل زي 9 الناس سهرانه
والعوايل حريم ورجال يتمشون والحياة طبيعيه) وفعلا دخلنا المقهى(المطعم ) وطلبنا الأكل ( كان المكان
أطيب من الأكل بس غنه مقبول برغم اني كنت اتمنى يهتمون بالمطعم اكثر من المقهى )
...وبعد ما تعشينا ... أقنعني المصري الي كان يخدم اني آخذ راس معسل !!
((مخصوص على قولته)) وذكر لي انه تم منع الشيشه في هالأماكن والبلديه
قاعدة تشدد على هالموضوع ...بس إحنا بالدس ... ومحسوبك سيد بيزبطوه على كيف كيفك الرجال قعد يهك علي من هالكلام عشان يغريني وفعلا أخيرا وافقت اني اشيش
رغم أني غير مدخن ولا معسل ) بس الجو كان يشجع على الدشره !!!جلسنا إلى مابعد الثانيه فجرا ثم توجهنا الى الفندق مشيا على الأقدام حيث كان الجو جيد ذلك اليوم
ويساعد على المشي ..وكانت هاك الليله من الليالي التي لا تنسى ...
وقفت على يوم نطلع في الليل راجعين للفندق(مارينا)طلعنا من المطعم وفي طريقنا للفندق تفاجأت بمجموعه كبيره من من المطاعم والجلسات والمقاهي على الجانب الآخر من سوق المارينا وعند مرسى القوارب وكان المكان لايزال به حركه وقعدات وناس رايحه وجايه رغم ان الساعه كانت بعد الثالثه فجرا !!!فالتفتت الي زوجتي وقالت هالمكان بكره ماراح نفوت الجلسه فيه بس خلنا نخطط في اي مطعم رايحين نتعشى بصراحه انا ضحكت عليها وقلت نعنبو بليسك تونا دابغين وشبعانين وقاعدين الحين نمشي عشان نهضم الأكل وانتي تخططين على العشى بكره !!!وإحنا قاعدين نمشي في الممر لاحظنا لوحة (( كرسبي دونات))!!دونات كرسبي !!! طالعتني مرتي وقعدت تضحك ..والسبب انها تعرف اني أحب هالنوع طبعا روحتنا قبل يفتح اول فرع لكرسبي دونات في الرياض ...والظاهر انهم يوم دروا عني وعن قصتي قال ...والله ما نفشلك يا سبهللي وبوا يفتحون فروعهم الآن بالمملكه )بصراحه انا كنت كل ما دخلت محل دونات عندنا أقول لهم ليش ما تفتحون فرع لكرسبي دونات زي الي بلندن !!
وتفاجأت بوجود فرع لهم بالكويت !! ( طبعا يوم جيت إمشي للرياض حملت معي كراتين كرسبي والناس بالمطار قاعدين يطالعوني ويقولون هذا وين رايح !! وش هالقروي !!ما قد شاف خير !!وطبعا مرتي رفضت تشيل معي تقول والله فشيله !! بس وش أسوي أحبها -قصدي الكرسبي- !!!) * للمعلوميه عقابا لها على موقفها وزعت كل الكميه على اخواني وخواتي وخليت لي شويه وحرمتها من متعة التلذذ بمزمزة الدونات مع فنجال القهوه .نعود لموضوعنا - ياكثر شطحاتي)دخلنا الفندق وصلينا الفجر ونمنا على أمل اننا نقوم بجولة اليوم الكامل إبتداءا من الساعه 12.55ظهرا
اخوكم
المهاجر911
المهاجر911- عضو فعال
- عدد الرسائل : 82
العمر : 37
السٌّمعَة : 0
نقاط : 0
تاريخ التسجيل : 05/10/2008
رد: سعودي وزوجته زاروا الكويت لأول مره .. هذا انطباعهم :) (مع الصور)
من طرف المهاجر911 الجمعة أكتوبر 10, 2008 4:47 am
من باب الذوق لا يدخل الواحد الا يرد لوبكلمه وشكرا
المهاجر911- عضو فعال
- عدد الرسائل : 82
العمر : 37
السٌّمعَة : 0
نقاط : 0
تاريخ التسجيل : 05/10/2008
رد: سعودي وزوجته زاروا الكويت لأول مره .. هذا انطباعهم :) (مع الصور)
من طرف عيني في عينك زحلطن الثلاثاء أكتوبر 14, 2008 2:38 am
مشكور اخوي المهاجر وتسلم يدك على النقل
عيني في عينك زحلطن- عضو جديد
- عدد الرسائل : 17
العمر : 33
السٌّمعَة : 0
نقاط : 0
تاريخ التسجيل : 10/09/2008
رد: سعودي وزوجته زاروا الكويت لأول مره .. هذا انطباعهم :) (مع الصور)
من طرف المهاجر911 الثلاثاء أكتوبر 14, 2008 7:46 am
اخيرا احد رحمني رد علي
مشكور ياالغالي
مشكور ياالغالي
المهاجر911- عضو فعال
- عدد الرسائل : 82
العمر : 37
السٌّمعَة : 0
نقاط : 0
تاريخ التسجيل : 05/10/2008
مواضيع مماثلةصفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى